• Մեր մասին
  • ՀՀԻ պատմությունը
  • Կառուցվածք
  • Կանոնադրություն
  • Հայագիտության հարցեր
  • Փաստաթղթեր
  • Խորհրդանիշեր
  • Մենք մամուլում
  • Հետադարձ կապ
  • Արխիվ
• Գրադարան
  • Գրքեր
  • Հոդվածներ
  • Փաստաթղթեր
  • Քարտեզներ
• Հանրագիտարան
  • Հայագիտական
    հանրագիտարան
• Տեսադարան
  • Նկարներ
  • Տեսաֆիլմեր
• Հանդես

 

Երևանի պետական համալսարանի Հայագիտական հետազոտությունների ինստիտուտի Բաբկեն Հարությունյանի անվան Հայաստանի պատմական աշխարհագրության և քարտեզագրության լաբորատորիայի գիտահետազոտական աշխատանքների շրջանակներում իրականացված անգլալեզու «Հայոց ցեղասպանության ատլասը»՝ վերջնական քննարկումներից և ինստիտուտի ղեկավարության հավանությանն արժանանալուց հետո, արդեն պատրաստ է հրատարակության: Նշենք, որ քարտեզի կազմման աշխատանքներն սկսվել են դեռևս Բ. Հարությունյանի կենդանության օրոք: Նրա մահից հետո լաբորատորիայի աշխատակիցները ձեռնամուխ եղան ատլասը վերջնական տեսքի բերելուն և հրատարակելուն:
       Ատլասը Հայաստանում առաջինն է իր տեսակի մեջ և ներկայացնում է Հայոց ցեղասպանության քարտեզագրությունը անգլերենով, որը միտված է ցեղասպանության ամփոփ համայնապատկերը միջազգային պատկան մարմիններին ու թիրախային համայնքներին հասցնելուն: Այն բաղկացած է քարտեզների շարքից՝ տեքստային բացատրություններով, պատմական լուսանկարներից, փաստաթղթերի շարքից, անդրադարձ է կատարվում նաև մշակութային ցեղասպանությանը: Ատլասը ներառում է փոխկապակցված 24 քարտեզների շարք. ներկայացվում են Հայկական լեռնաշխարհից մինչև 1877-1878 թթ. ռուս-թուրքական պատերազմ, Հայկական հարցի միջազգայնացումից 1894-1896 թթ. հայերի Համիդյան կոտորածներ, 1909 թ. կիլիկիահայերի կոտորածներից Հայոց Մեծ Եղեռն, ինքնապաշտպանական մարտերից մինչև Բաքվի ու Սումգայիթի հայության ջարդեր և Քեսաբի հայ բնակչության տեղահանություն:
   Հավելենք, որ աշխատությունը պատրաստ կլինի մեկ ամսից՝ Հայոց ցեղասպանության տարելիցին ընդառաջ և կհրատարակվի Ռուսաստանի հայերի միության Մոսկվայի քաղաքային բաժանմունքի աջակցությամբ: