Խորը ցավով հայտնում ենք, որ 67 տարեկան հասակում կյանքից անժամանակ հեռացել է ԵՊՀ Հայագիտական հետազոտությունների ինստիտուտի տնօրեն, Երևանի պետական համալսարանի նախկին ռեկտոր, պատմագետ, հրապարակախոս, ՀՀ գիտության վաստակավոր գործիչ Արամ Սիմոնյանը:

◾️Արամ Սիմոնյանը ծնվել է 1955 թվականի ապրիլի 12-ին Գորիսում: 

◾️1961-1972 թվականներին Արամ Սիմոնյանը սովորել Գորիսի միջնակարգ դպրոցում: 

◾️1972-1977 թվականներին ուսումը շարունակել է Երևանի պետական համալսարանի պատմության ֆակուլտետում: 

◾️1977-1981 թվականներին ավարտել է Մոսկվայի ԽՍՀՄ ԳԱ պատմության ինստիտուտի ասպիրանտուրան: 

◾️1983 թվականինին պաշտպանել է թեկնածուական ատենախոսությունը։ 

◾️2000-ին  պաշտպանել է դոկտորական ատենախոսություն: 

◾️2005 թվականին ստացել է պրոֆեսորի գիտական կոչում:

◾️1981-1983 թվականներին աշխատել է ՀԽՍՀ ԳԱ Պատմության ինստիտուտում որպես կրտսերգիտաշխատող, այնուհետև՝ գիտաշխատող: 

◾️1986-2000 թվականներին հանդիսացել է ԵՊՀ ԽՍՀՄ պատմության ամբիոնի ասիստենտ, այնուհետև՝ Հայոց պատմության ամբիոնի դոցենտ: 

◾️1993-1995 թթ. եղել է ԵՊՀ գիտքարտուղար, իսկ 1995-2000 թթ.՝ ԵՊՀ ուսումնական վարչության պետ։ 

◾️2000-ին դարձել է ԵՊՀ ուսումնական աշխատանքների գծով պրոռեկտոր, իսկ 2006-ի մայիսին ընտրվել, 2011-ի մայիսին վերընտրվել ԵՊՀ ռեկտորի պաշտոնում:

◾️2015-ի հունիսի 25-ին ընտրվել է ԵՊՀ հիմնադրամի ռեկտորի պաշտոնում։

◾️2019 թվականի մայիսի 23-ին հրաժարական է ներկայացրել  ռեկտորի պաշտոնից։

◾️2008-ի հուլիսի 10-ից  առ այսօր Արամ Սիմոնյանը զբաղեցնում էր ԵՊՀ Հայագիտական հետազոտությունների ինստիտուտի տնօրենի պաշտոնը: 

◾️Սիմոնյանը հեղինակ է 85 գիտական աշխատանքների, որոնցից 4-ը մենագրություններ են:

◾️Գիտական հետազոտությունները վերաբերում են հայ ժողովրդի 19-րդ դարի երկրորդ կեսի և 20-րդ դարասկզբի պատմության հիմնահարցերին՝ մասնավորապես պատմական վիճակագրությանը, արդյունաբերական կապիտալի, ինչպես նաև Արցախի և Զանգեզուրի 1917-1921 թթ. պատմության խնդիրներին: 

◾️Արամ Սիմոնյանը մասնակցել է բազմաթիվ միջազգային և հանրապետական գիտաժողովների: 

ԵՊՀ Հայագիտական հետազոտությունների ինստիտուտի անձնակազմը ցավակցում և իր զորակցությունն է հայտնում Արամ Սիմոնյանի ընտանիքի անդամներին, հարազատներին և գործընկերներին։