ՋԻԳԱՐԽԱՆՅԱՆ Արմեն Բորիսի (ծ. 3.10.1935, Երևան), դերասան: ՀՀ (1973), ՌԴ (1985) ժողովրդական  արտիստ: Ավարտել Է ԵԳԹԻ (1958): 1958-ից՝ ԵՌԹ [Սերգեյ (Ա. Արբուզովի «Իրկուտսկյան պատմություն»), Ռիչարդ III (Շեքսպիրի «Ռիչարդ III), Թոդորոս (Պսաֆասի «Պահանջվում է ստախոս») ևն], 1967-69-ին՝ Մոսկվայի լենինյան կոմերիտմիության անվ. [Բասարգին (Կ. Սիմոնովի «Հայրենի ծուխը»), Մոլիեր (Մ. Բուլգակովի «Մոլիեր») ևն], 1969-96-ին՝ Մայակովսկու անվ. (Ստենլի (Թ. Ուիլյամսի «Ցանկություն» տրամվայ»), Խլուդով (Մ. Բուլգակովի «Վազք»), Սոկրատ (Է. Ռաձինսկու «Զրույցներ Սոկրատի հետ»), Թագավոր (Վ. Սարոյանի «Քարանձավի մարդիկ») ևն] թատրոնների դերասան: 1995-ին Մոսկվայում հիմնել Է «Ջիգարխանյանի թատրոնը»: 1959-ից նկարահանվում Է կինոյում: Տե՛ս ավելին: