Ս.թ. ապրիլի 29-ին Երևանի պետական համլասարանի հրավերով Հայագիտական հետազոտությունների ինստիտուտում էր գերմանական MICROBOX ընկերության ներկայացուցիչ Ռոման Շեյնֆելդը: Նպատակը շնորհանդեսի միջոցով ընկերության կողմից արտադրված նորագույն թվայնացման տեխնոլոգիաների վերջին սերնդի արտադրության ծրագրային առավելությունները, որակական նոր առաջընթացի ներկայացնելն էր: Շնորհանդեսին ներկա էին ՀՀԻ, Հայաստանի ազգային արխիվի, ԵՊՀ Մարի և Սարգիս Իզմիրլայանների անվան գրադարանի, Հայաստանի Ազգային գրադարանի ներկայացուցիչները, ովքեր, ունենալով գրական մեծ ժառանգություն, արդեն մի քանի տարի շարունակ նախաձեռնել են գրքերի և տպագիր հրատարակությունների թվայնացման  գործընթացը: