![](images/bg_left_top.png)
Հայաստանը և տարածաշրջանը միջազգային հարթակում Գիտաժողովներ Մագիստրոսական ծրագրեր Հեռաուսուցում Նորություններ Աշխատանքային շտեմարան Հղումներ Գործընկերներ Կայքի քարտեզ
![](images/youtube.png)
Նորություններ
<<Հայաստանի Հանրապետություն-Սփյուռք գործակցություն. երեկ, այսօր և վաղը>>
![](http://www.armin.am/cms/image.php?image=http://www.armin.am/content_images/image/NEWS/%D0%BB%D0%B8%D0%B1%D0%B0%D0%BD%D0%B0%D0%BD(2).jpg&height=95&width=150)
Գիտաժողովի ներածական նիստին ՀՀ սփյուռքի նախարար Հրանուշ Հակոբյանը ներկայացրեց ՀՀ-Սփյուռք գործակցության զարգացման պետական քաղաքականության հիմնախնդիրները, Հայկազյան համալսարանի նախագահ վեր.- դոկտ. Փոլ Հայտոսթյանն անդրադարձավ կրթաուսումնական գործակցության հեռանկարներին: Հայաստանի և Սփյուռքի միջև հայագիտական գործակցության զարգացման անհրաժեշտության, այդ ոլոտում առկա հիմնախնդիրների և հեռանկարների մասին խոսեց ԵՊՀ ռեկտոր, ՀՀ ԳԱԱ թղթակից անդամ Արամ Սիմոնյանը: Նա խոսեց հայագիտության հիմնական ուղղությունների մասին, որոնք պետք է ուշադրության կենտրոնում պահել:
<<Հայագիտության առջև դրված հիմնարար խնդիրների լուծումը բխում է մեր պետականության, համայն հայության համեմատական շահերից: Ուստի անհրաժեշտ է ստեղծել հայագիտական հիմնադրամ ամբողջ աշխարհում հայագիտական հաստատությունների և հայագետների աշխատանքը համակարգելու համար, հրատարակել օտար լեզուներով թարգմանվող պարբերական>>,-նշեց Արամ Սիմոնյանը:
Գիտաժողովի ընթացքում <<Համացանցում հայագիտության ներկայացվածության խնդիրները ՀՀ-Սփյուռք գիտակրթական գործակցության համատեքստում>> զեկույցով հանդես եկավ պ.գ.թ., դոցենտ, ԵՊՀ ՀՀԻ վիրտուալ հայագիտության և տեղեկատվության բաժնի վարիչ Մհեր Հովհաննիսյանը:
<<Հայաստան- Սփյուռք գիտակրթական գործակցության համատեքստում իր ուրույն տեղն է զբաղեցնում հայագիտությունը: Մեր օրերում առավել քան կարևոր է հայագիտության համահունչ զարգացումը , դրա արժեքների հասանելի և արդյունավետ մատուցումը: Այստեղ է, որ օգնության է գալիս համացանցը: Մի հարթակ, որը հայագիտության արդի մարտահրավերների նոր էջ է հանդիսանում: Այն իր հնարավորություններով նպաստում է և՛ հայագիտության արժեքների հանրությանը արդյունավետ ներկայացմանը, և՛ այդ արժեքները խեղաթյուրելու գործին: Գովելի է այն փաստը , որ վերջին շրջանում ավելանում և տարաբնույթ նյութերով են համալրվում հայագիտական՝ մասնավորապես Հայոց ցեղասպանության և Լեռնային Ղարաբաղի հակամարտության խնդիրները գիտականորեն լուսաբանող հայամետ կայքերը թե՛ ՀՀ-ում, թե ԼՂՀ-ում, թե՛ Սփյուռքում>>,- նշեց Մ. Հովհաննիսյանը:
Գիտաժողովի ընթացքում անդրադարձ կատարվեց նաև Սփյուռքահայ մամուլի և լիբանանահայ գրականության խնդիրներին, սփյուռքին առնչվող ՀՀ գիտակրթական կառույցների դերին , ինչպես նաև սփյուռքահայ-հայաստանցի ինքնության հարցերին:
Գիտաժողովն ավարտվեց ընդհանուր քննարկմամբ և հուշանվերների հանձնման արարողությամբ:
Վերադառնալ
Շատ դիտել են
Նորություն
2012Թ-Ի ԱՌԱՋԻՆ ՀՈԲԵԼՅԱՆԱԿԱՆ ԳԻՏԱԺՈՂՈՎԸ ԵՊՀ-Ի ԵՎ ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ՀԱՄԱԳՈՐԾԱԿՑՈՒԹՅԱՆ ՇՐՋԱՆԱԿՈՒՄ
25/01/12
![](http://www.armin.am//cms/image.php?image=http://www.armin.am//images/news/N2.jpg&width=50)
Դիտումներ - 5355