• Մեր մասին
  • ՀՀԻ պատմությունը
  • Կառուցվածք
  • Կանոնադրություն
  • Հայագիտության հարցեր
  • Փաստաթղթեր
  • Խորհրդանիշեր
  • Մենք մամուլում
  • Հետադարձ կապ
  • Արխիվ
• Գրադարան
  • Գրքեր
  • Հոդվածներ
  • Փաստաթղթեր
  • Քարտեզներ
• Հանրագիտարան
  • Հայագիտական
    հանրագիտարան
• Տեսադարան
  • Նկարներ
  • Տեսաֆիլմեր
• Հանդես

 

Հայագիտության ոլորտի խնդիրներն ու ձեռքբերումները, կոռուպցիոն ռիսկերը, որոշ ֆակուլտետներում երիտասարդ կադրերի անհրաժեշտության հարցը, կրեդիտային համակարգի բարելավումն ու ռեկտորի ընտրությունները` սրանք այն հիմնական թեմաներն էին, որոնց շուրջ խոսեց ԵՊՀ ռեկտոր Արամ Սիմոնյանը հունվարի 24-ին լրագրողների հետ հանդիպման ժամանակ:

Նշելով, որ ներկա պայմաններում մեզ համար չափազանց կարևոր է հայագիտության դերը` պրն. Սիմոնյանը առանձնացրեց հատկապես կովկասագիտության ինստիտուտի բացակայության խնդիրը այս ոլորտում:

<<2012թ.ից ԵՊՀ պատմության ֆակուլտետում կպատրաստվեն կովկասագետներ, ովքեր կտիրապետեն վրացերենին, ադրբեջաներենին, թուքերենին, պարսկերենին, գրաբարին, ղփչաղերենին, հին ու նոր հունարենին>>,- ասաց Արամ Սիմոնյանը: Նա տեղեկացրեց, որ ներկայումս երեք հոգի Սանկտ Պետերբուրգի համալսարանում հատուկ ծրագրով մասնագիտանում են օսմանագիտության գծով: Սա կարևոր է այնքանով, որ թուրքական արխիվներում եղած փաստաթղթերը հիմնականում օսմաներեն են: Կա նաև հայատառ ղփչաղերեն (ղփչաղները ղազախների նախնիներն են) գրականություն, որն անհրաժեշտ է թարգմանել:

Խոսվեց կոռուպցիայի խնդրի մասին:

<<Կոռուպցիոն ռիսկերը մայր բուհում նվազեցնելու համար ստեղծվել է հակակոռուպցիոն մշտական հանձնաժողով, որի անդամներն են ոչ միայն աշխատակիցները, այլև ուսանողական կազմակերպությունների ներկայացուցիչները: Բացի այդ, շուրջ տասը տարի է, ինչ բուհում անցկացվում են անանուն հարցումներ, որոնք բավական արդյունավետ են>>,- ասաց ռեկտորը:

Նրա կարծիքով, ընդհանրապես, որքան ավելի բաց լինի բուհի աշխատանքը, այնքան կնվազեն կոռուպցիայի հնարավորությունները: Հենց այդ պատճառով համալսարանում քննությունների ընթացքը թափանցիկ է. ցանկացած համալսարանական կարող է ներկա լինել: Արամ Սիմոնյանը, խոսելով բուհի խնդիրների մասին, առանձնացրեց որոշ ֆակուլտետներում, ինչպիսիք են աշխարհագրության, երկրաբանության, բանասիրության և մի քանի այլ ֆակուլտետներ, երիտասարդ կադրերի բացակայությունը:

Մայիսի 29-ից հետո կայանալիք ռեկտորի ընտրություններին անդրադառնալով` Արամ Սիմոնյանը նշեց, որ այդ մասին ավելի ուշ կմտածի, իսկ ներկայումս զբաղված է իր աշխատանքով:

2010թ.-ին ՀՀ կառավարության կողմից ստեղծված հայագիտական հարցերով խորհրդի կողմից հայագիտության զարգացման հայեցակարգի և ռազմավարության մշակման աշխատանքներին մասնակցում է նաև ԵՊՀ-ն: Մայր բուհի կողմից ներկայացված առաջնահերթությունների վրա են հիմնված նաև ՀՀ կառավարության կողմից հաստատված ԿԳ նախարարության հակակոռուպցիոն ծրագրի որոշ դրույթներ: