• Մեր մասին
  • ՀՀԻ պատմությունը
  • Կառուցվածք
  • Կանոնադրություն
  • Հայագիտության հարցեր
  • Փաստաթղթեր
  • Խորհրդանիշեր
  • Մենք մամուլում
  • Հետադարձ կապ
  • Արխիվ
• Գրադարան
  • Գրքեր
  • Հոդվածներ
  • Փաստաթղթեր
  • Քարտեզներ
• Հանրագիտարան
  • Հայագիտական
    հանրագիտարան
• Տեսադարան
  • Նկարներ
  • Տեսաֆիլմեր
• Հանդես

 

   ԵՊՀ Հայագիտական հետազոտությունների ինստիտուտի համախմբումը մեկ հարկի ներքո արդեն փաստ է: Շուրջ մեկ տարի  տևած շինարարական աշխատանքներից հետո 2013  թվականի դեկտեմբերի 20-ին տեղի ունեցավ ՀՀԻ նոր հարկաբաժնի բացման  արարողությունը: Ներկա էին ՀՀ նախագահի աշխատակազմի ղեկավար Վիգեն Սարգսյանը, ՀՀ ԿԳ նախարար Արմեն Աշոտյանը, ՀՀ ԳԱԱ նախագահ Ռադիկ Մարտիրոսյանը, ԵՊՀ ռեկտոր, ՀՀԻ տնօրեն Արամ Սիմոնյանը, պրոռեկտորներ, ԲՈՒՀ-ի պրոֆեսորադասախոսական անձնակազմի ներկայացուցիչներ:

  ԵՊՀ ռեկտոր, ՀՀԻ  տնօրեն Արամ Սիմոնյանը և փոխտնօրեն Մհեր Հովհաննիսյանը հյուրերին ներկայացրեցին ինստիտուտի նոր տարածքը, եղան իննից ութ գիտահետազոտական բաժինների աշխատասենյակներում: Վերջիններս հագեցած են բոլոր անհրաժեշտ գույքային և տեխնիկական միջոցներով (9-րդը՝ Հնագիտական հետազոտությունների լաբորատորիան, ԵՊՀ պատմության մասնաշենքում է (Սև շենք), որտեղ առկա են լաբորատոր բոլոր պայմանները):

 «Ինստիտուտի ստորաբաժանումները այսուհետ ևս առավել արդյունավետ գիտահետազոտական գործունեություն կծավալեն»,-բացման խոսքում նշեց ռեկտոր Արամ Սիմոնյանը:

 Այնուհետև ներկաները եղան ինստիտուտի մասնագիտական գրադարանում: Այստեղ  տեղ են գտել «Հրաչիկ Սիմոնյանի գրքերի ֆոնդ»  շարքի ավելի քան 1500 հայագիտական գրքեր, ամսագրեր: Միաժամանակ հյուրերին  ներկայացվեց ինտիտուտի 5 տարվա գործունեության ընթացքում հրատարակված շուրջ 60 անուն գիրք:

 Հյուրերը կարևորեցին նաև «Ցեղասպանագիտության» մագիստրոսական ծրագրի ներդրումը: Ուսանողների համար  նոր հարկաբաժնում գործում է էլեկտրոնային գրատախտակներով և համակարգիչներով հագեցված երեք լսարան: Առանձին համակարգչային սրահ է գործում գրադարանի  տարածքում, առկա է նաև  քննարկումների  սրահ:

  Վիրտուալ հայագիտության և տեղեկատվության բաժնում հյուրերը  ծանոթացան թվայնացման գործընթացին, ինստիտուտի պաշտոնական կայքի՝ www.armin.am-ի և հայագիտական յոթ թեմատիկ կայքերի գործունեությանը, ինչպես նաև ՀՀԻ համացանցային քարոզչության մարտավարությանը: