.JPG&width=150&height=100) |
.JPG&width=150&height=100) |
.JPG&width=150&height=100) |
Ս.թ. Մարտի 14-ին ԵՊՀ-ի պատմութեան ֆակուլտետում տեղի ունեցաւ երջանկայիշատակ պատմաբան Բաբկէն Յարութիւնեանի 75 ամեակին նուիրուած գիտաժողով: Բացման խօսքով հանդէս եկաւ ԵՊՀ ռեկտոր Արամ Սիմոնեանը. «Վերջին 15 տարիներին Հայոց պատմութեան ամբիոնի չորս վարիչներից երեքը մօտաւորապէս նոյն տարիքին հրաժեշտ տուեցին մեր համալսարանին: Նրանց մահը մեծ կորուստ է պատմութեան ֆակուլտետի համար: Յարութիւնեանն իր ամենաբեղուն շրջանում հրաժեշտ տուեց կեանքին, նա իր խօսքը թերեւս չէր աւարտել: Ի տարբերութիւն իր գործընկերներին՝ նա ժամանակակից ու հումորային մի անձնաւորութիւն էր, սակայն՝ նաեւ սկզբունքի տէր ու իր տեսակէտը պաշտպանող: Յարութիւնեանն իր կրթութիւնն աւարտել էր չորս տարուայ ընթացքում, ինչը շատ յատկանշական էր. նա, չբաւարարուելով մէկ մասնագիտութեամբ, աւարտել է նաեւ իրաւաբանական ֆակուլտետը, ինչպէս նաեւ տիրապետում էր մաթեմատիկական ու լեզուաբանական հմտութիւնների: Յարութիւնեանը թողեց մի ծանրակշիռ պատմագիտական ժառանգութիւն»: Սիմօնեանն իր խօսքն աւարտելիս ձայնը փոխանցեց ՀՀ ԳԱԱ հայագիտութեան եւ հասարակական գիտութիւնների բաժանմունքի քարտուղար Եուրի Սուվարեանին: Նա ողջունեց ԵՊՀ-ի ռեկտորատին ու պատմութեան ֆակուլտետի ղեկավարութեանը՝ բարձր գնահատելով Բաբկէն Յարութիւնեանի գիտական գործունէութիւնը: Ակադեմիայից ելոյթ ունեցաւ ակադեմիկոս Աշոտ Մելքոնեանը: Նա մեծարեց Յարութիւնեանին՝ նշելով, որ վերջինս ոչ միայն Հայոց պատմութեան Միջնադարեան շրջանի մասնագէտ էր, այլ ողջ հայոց պատմութիւնը ծայրից ծայր անգիր գիտեր:
Ցեղասպանութեան թանգարան-ինստիտուտի տնօրէն Դեմոյեան Հայկն իր երախտապարտութիւնն ու հպարտութիւնը յայտնեց այն կապակցութեամբ, որ եղել է Յարութիւնեանի ուսանողը: «Լինել Բաբկէն Յարութիւնեանի ուսանողը նշանակում է անցնել մի ամբողջ դպրոց»,-նշել է Դեմոյեանը: Ապա զեկոյցներով հանդէս եկան հանգուցյալի կեանքն ու աշխատանքները մանրամասն ուսումնասիրած Արման Եղիազարեանը, ով անդրադարձաւ Յարութիւնեանի պատմաաշխարհագրական աշխատութիւններին: Այնուհետեւ նրան յաջորդեցին Մովսիսեան Արտակը, Բադալեան Գեղամը եւ այլք:
Վերադառնալ
