Դեկտեմբերի 7-ին ՀՀ սփյուռքի նախարարությունում կնքվեց համագործակցության պայամանագիր նախարարության և Երևանի պետական համալսարանի միջև: Ե՛վ ԵՊՀ ռեկտոր Արամ Սիմոնյանը, և՛ ՀՀ սփյուռքի նախարար Հրանուշ Հակոբյանն իրենց խոսքում նշեցին, որ պայմանագրի ստորագրումը իրավական հաստատումն է գործնական համագործակցության, որը վաղուց կա երկու կառույցների միջև:
Սփյուռքագիտության ամբիոնի հիմնումն էր: Համագործակցության շրջանակում մենք նաև համալսարանում անցկացնում ենք կարևոր գիտական համաժողովներ: Անփոխարինելի է համալսարանի դերը Սփյուռքի հետ կապված հիմնախնդիրների շուրջ հետազոտական աշխատանքների կազմակերպման հարցում>>,- ասաց ՀՀ սփյուռքի նախարար Հրանուշ Հակոբյանը: Նա նաև ավելացրեց, որ համատեղ պրակտիկա է անցկացվում համալսարանի սփյուռքագետների, Միջազգային հարաբերությունների և Ռոմանագերմանական բանասիրության ֆակուլտետների ուսանողների հետ: Երկկողմանի համագործակցության պայմանագրում կան նաև կետեր, որոնք վերաբերում են հայագիտության ոլորտում համագործակցությանը: Հրանուշ Հակոբյանը նշեց, որ հատկապես ցեղասպանագիտության ոլորտում շատ կարևոր է համագործակցությունը ԵՊՀ-ի հետ:
ԵՊՀ ռեկտոր Արամ Սիմոնյանն իր հերթին նշեց, որ ԵՊՀ-ն պատրաստակամ է Սփյուռքի նախարարության հետ բազբաբնույթ ծրագրերի իրականացմանը:
<<Եթե սկզբում համագործակցությունը միայն սփյուռքագիտության ոլորտում էր, ապա հիմա այդ շրջանակը ներառում է հայագիտության և այլ ոլորտներ, ներառում ուսանողական նոր շրջանակներ, ինչը կարևոր է ընդհանուր առմամբ և, մասնավորապես, նոր մասնագետների պատրաստման տեսանկյունից>>,- ասաց ռեկտոր Արամ Սիմոնյանը: Նա, որպես համագործակցության դրական օրինակ, հիշեցրեց Սփյուռքի նախարարության հետ համատեղ արդեն երկրորդ տարին անցկացվող ամառային դպրոցի մասին:
<<Համատեղ աշխատանքի ընթացքում առաջ եկան գիտահետազոտական գործունեության և համագործակցության նոր ուղղություններ: Պայմանագրի կնքումը հաստատուն իրավական հիմք կհանդիսանա վաղուց առկա գործնական համագործակցության>>,-նշեց Արամ Սիմոնյանը և հույս հայտնեց, որ այս համագործակցությունը օրինակ կծառայի շատ կառույցների համար թե՛ Հայաստանում, թե՛ Սփյուռքում:
Վերադառնալ
